Palestra u vërshua nga uji pasi ra shi, shtyhet ndeshja e basketbollit

Basketboll

Gazeta Express

28/03/2023 10:21

Një ngjarje e pazakontë ka ndodhur mbrëmë në basketbollin kosovar.

Ndeshja mes Istogut dhe Borës, e paraparë të zhvillohej mbrëmë, është shtyrë.

Kjo për shkak se palestra e sportit në Istog ishte mbushur me ujë shkaku i rënies së shiut, prandaj edhe nuk kishte kushte për zhvillimin e saj, shkruan “Gazeta Express”.

Kjo palestër ka vazhdimisht probleme kur ka të reshura, ndërsa deri tash nuk është bërë asgjë për renovimin e saj.

Ndërkohë, Federata e Basketbollit ka bërë të ditur se kjo ndeshje finale e “play-offit” të Ligës së Parë do të luhet sonte në Klinë.

Skuadra që i fiton dy ndeshje do ta sigurojë kualifikimin në Superligën e basketbollit.

Megjithatë, gjendja e disa palestrave sportive në Kosovë, të cilat mbushen me ujë kur të bie shi ose borë, mbetet mjaft shqetësuese. /Gazeta Express/