Nga Parisi në Bruksel, ministri Sveçla kërkon liberalizim vizash për Kosovën

Lajme

Gazeta Express

14/05/2022 10:57

Ministri i Punëve të Brendshme, Xhelal Svecla, ka filluar një tur disa ditor nëpër Evropë. Të enjten kishte realizuar një vizitë në Francë ku kishte takuar zyrtarë nga Ministria e Brendshme e Francës, ndërkohë dje ka qëndruar për një vizitë tjetër në Komisionin Evropian në Bruksel, raporton Express.

Në Paris, siç kishte treguar Sveçla kishte prezantuar progresin e bërë në fushën e luftimit të krimit të organizuar dhe korrupsionit, meqë është edhe një nga pikat të cilat Franca e përmend kur tregon se pse vazhdon të jetë skeptike për çështjen e heqjes së regjimit të vizave për Kosovën.

Ndërkohë në Bruksel, Sveçla ka marrë përkrahjen e plotë të Komisionit Evropian për çështjen e heqje së vizave për Kosovën.

“Kënaqësi ta takojmë ministrin e Brendshëm Sveçla sot.  I përcollëm mbështetjen e plotë të Komisionit Evropian për liberalizimin e vizave për Kosovën”, thuhet në njoftimin e “EU Home Affairs”, raporton Express.

Pas takimit ka reaguar edhe vetë ministri Sveçla duke treguar se ka qenë një takim i mrekullueshëm dhe se është koha që kosovarët të lëvizin lirshëm në BE pa viza.

“Është koha që qytetarët e Kosovës të lëvizin lirshëm dhe pa viza në BE”, ka shkruar Sveçla./GazetaExpress/

“Great pleasure to meet Interior Minister Sveçla today. Conveyed the ??EU Commission full support for visa liberalisation for ??Kosovo.”
noted our Deputy Director General Johannes Luchner pic.twitter.com/inFpYyTwOJ

— EU Home Affairs (@EUHomeAffairs) May 13, 2022