Nesër ndalohet qarkullimi i automjeteve në një segment të autostradës “Arbën Xhaferi”

Gazeta Express

05/06/2020 14:48

Ministria e Infrastrukturës ka njoftuar se nesër për shkak të zhvillimit të punimeve dhe për sigurinë publike, prej orës 10:00 deri në ora 14:00, ndalohet qarkullimi i automjeteve në segmentin “Konjuh-Babush” autoudha “Arbën Xhaferi”, në të dy drejtimet e lëvizjes.

Përmes një komunikate drejtuar mediave, Ministria ka bërë me dije se gjatë periudhës së ndalesës, të gjithë pjesëmarrësit në trafikun rrugor do të orientohen të qarkullojnë përmes rrugës nacionale N2 Prishtinë – Hani i Elezit dhe anasjelltas.

“Ministria e Infrastrukturës kërkon mirëkuptim nga ana e pjesëmarrësve në komunikacion”, thuhet në komunikatë.