Barcelona dëshiron ta blejë sulmuesin e Manchester Unitedit, Anthony Martial, në afatin kalimtar të janarit.
Barça mund të jetë një mundësi e mirë për Martialin për ta shpëtuar karrierën në afatin e ardhshëm kalimtar, raporton Gazeta Express.
Sipas Eurosportit, gjiganti spanjoll është i gatshëm të rrezikojë për ta blerë sulmuesin francez në formë të dobët.
Besohet se Unitedi e ka lënë Martialin të lirë të vendosë nëse dëshiron të largohet, posaçërisht pas kthimit të Cristiano Ronaldos në klub.
Me Ronaldon tani në Old Trafford, shanset e 25-vjeçarit për të luajtur rregullisht janë tejet të vogla.
Barcelona kërkon sulmues dëshpërimisht pas largimit të Lionel Messit dhe Antoine Griezmannit në verë. /Gazeta Express/