“Lule Gjeli” provon t’i zhduk gjurmët, i fshinë mbi 3 mijë postime në faqen e tij në ‘facebook’

Ballina

Gazeta Express

29/07/2026 17:50

Profili i shumëpërfolur këto ditë “Lule Gjeli’ që për një kohë të gjatë ka denigruar e linçuar personalitete nga më të ndryshmet që nga politika e tek mediat, tashmë ka nisur të fshijë postimet e tij nga ‘facebook’.

Nga mbi pesë mijë postime sa ka pasur në profilin e tij ku cak kanë qenë ata që kanë kundërshtuar apo kritikuar Kurtin apo Lëvizjen Vetëvendosje, tashmë ka fshirë mbi 3 mijë të tilla.

Institucionet e hetuesisë janë duke hetuar rreth këtij profili dhe rreth asaj se kush qëndron pas.

Sipas atyre që janë raportuar deri më sot, dyshohet se personi që zotëron profilin “Lule Gjeli” ka përdorur disa identitete.

Ish-deputeti i Kuvendit të Kosovës, Haki Abazi, ditë më parë ka treguar se në vitin 2021 me kërkesë të “Lule Gjelit” e kishte takuar këtë të fundit në Shtetet e Bashkuara të Amerikës.

Ai ka thënë se për këtë është i gatshëm të flasë në Prokurori.