Mbrojtësi u largua këtë verë nga Camp Nou por sot atij ju dha lamtumira e fundit gjatë ndeshjes kundër Pumas
Barcelona ka organizuar një ndeshje lamtumirëse shumë të përzemërt për Dani Alves para ndeshjes së tyre kundër Pumas për trofeun Joan Gamper që u zhvillua të dielën. Alves u kthye për herë të dytë në Camp Nou sezonin e kaluar dhe u largua në fund të verës, me Barcën që nuk ia vazhdojë atij edhe për gjashtë muaj kontratën.
Mbrojtësi i majtë kishte pranuar se ka mbetur paksa i zhgënjyer nga largimi nga klubi këtë herë, edhe pse ai nënshkroi menjëherë një kontratë një vjeçare për skuadrën e Pumas.
E meqë dy skuadrat u takuan për trofeun e përvitshëm Joan Gamper, Alves u nderua për shërbimet që ja bëri Barcelonës gjatë këtyre viteve ku fitoi gjashtë tituj të La Ligës dhe tri Liga të Kampionëve.
We love you!
— FC Barcelona (@FCBarcelona) August 7, 2022
?❤️ @DaniAlvesD2 pic.twitter.com/RGjl2eOm5h
Para se të fillonte ndeshja Alves u prezantua me një fanellë të Barçës në të cilën ishte numri 431, numri i aq paraqitjeve që ai ka bërë pëtë këtë klub.
Barcelona po ashtu kishte dizajnuar një trofe për të, i cili ju prezantua atij nga presidenti Laporta. /GazetaExpress/