Juventusi ka kaluar në finalen e Kupës së Italisë.
Skuadra e drejtuar nga Massimiliano Allegri pësoi humbje sonte ndaj Lazios në ndeshjen e dytë gjysmëfinale, por kalon tutje falë fitores 2:0 në ndeshjen e parë, shkruan Gazeta Express.
Përballja e dytë sonte në “Olimpico” përfundoi me rezultatin 2:1.
Valentin Castellanos (12’, 49’) shënoi të dy golat për lacialët, por që ishin të pamjaftueshëm.
Arkadiusz Milik (83’) realizoi golin e vetëm për “Zonjën e Vjetër”, për t’ia siguruar kështu kalimin për në finale të kësaj gare.
Juventusi do ta mësojë kundërshtarin nesër mbrëma, pasi të jetë zhvilluar ndeshja e dytë gjysmëfinale mes Atalantas dhe Fiorentinas.
Ndeshja e parë mes këtyre dy skuadrave ishte mbyllur me fitoren 1:0 të “Violas”.
Finalja e Kupës së Italisë do të zhvillohet më 15 maj. /Gazeta Express/
Në një studim të fundit të kryer nga ekspertë të industrisë – Data4X, Viva Fresh Store, si një ndër kontribuesit kryesorë, renditet në këtë...