Istogu e synon sonte fitoren që do ta inkuadronte në Superligë

Basketboll

Gazeta Express

31/03/2023 12:36

Sonte (e premte) zhvillohet finalja e dytë e “Play-off”-it në Ligën e Parë të Meshkujve.

Bora dhe Istogu përballen në një sfidë që pritet të jetë mjaft interesante. Takimin e parë e fitoi Istogu 85:74.

Nëse istogasit fitojnë sonte do të fitojnë Ligën e Parë dhe sigurojnë hyrjen në Superligë për edicionin e ardhshëm, ndërsa nëse prishtinasit fitojnë, atëherë do të zhvillohet ndeshja e tretë vendimtare.

Finalisti do të luajë në “Play-out” me vendin e shtatë të Superligës, për një vend në elitë për edicionin e ardhshëm.