Ismet Krasniqi e rrëzon nga froni Besim Hasanin, zgjidhet kryetar i KOK-ut

Sport

Gazeta Express

25/03/2021 20:42

Ismet Krasniqi është zgjedhur kryetar i ri i Komitetin Olimpik të Kosovës.

Krasniqi ka arritur që me përmbysje të madhe, ta rrëzojë nga froni Besim Hasanin pas 25 vjetësh.

Kundërkandidatë tjetër ishte Linda Shala, por Krasniqi mori më shumë vota se ajo dhe Hasani.

Shala ishte propozuar nga Federata e Basketbollit të Kosovës, kurse Ismet Krasniqi nga Federata e Karatesë së Kosovës.

Në këtë Kuvend kanë votuar delegatët, përkatësisht drejtuesit e Federatave Sportive.

Krasniqi arriti të fitojë me 53 vota, duke e lënë prapa Besim Hasanin me 41 vota dhe krejt në fund Linda Shalën me 11 vota.

Ndërkohë, në këtë Asamble janë zgjedhur edhe nënkryetarët dhe anëtarët e Bordeve.

Paraprakisht është mbajtur Asambleja e Punës së KOK-ut, ku nuk kanë munguar polemikat dhe debatet. /Gazeta Express/