Instituti Hidrometeorologjik tregon se si pritet të jetë moti në Kosovë të mërkurën

Gazeta Express

21/01/2020 20:41

Situata meteorologjike do të mbetet pothuajse e ngjashme si në ditët e fundit, por që në fushat termike do të ketë ngritje të lehta, bën të ditur Instituti Hidrometeorologjik i Kosovës.

Sipas IHMK’së, temperaturat minimale parashihen të lëvizin ndërmjet -4 deri -5 gradë Celsius, ndërsa maksimalet e ditës parashihen të lëvizin ndërmjet 4-7 gradë Celsius.

“Në mëngjes dhe gjatë natës nëpër disa lokalitete do të ketë mjegull, ndërsa ngricat parashihen në gjithë territorin”, bën të ditur instituti.

IHMK’ja paralajmëron se do të fryjë erë e lehtë deri mesatare nga drejtimi i verilindje dhe jugperëndimit.