Ministria e Shëndetësisë e Indisë e raportoi numrin më të vogël ditor të viktimave të koronavirusit që nga 3 gushti në kohën kur shifra e përgjithshme e të vdekurve nga pandemia në tërë botën shkoi në mbi 1 milionë.
Gjatë 24 orëve të kaluara, në shtetin me mbi 1.3 miliard banorë u regjistruan 776 të vdekur nga sëmundja Covid-19, shkruan The Guardian, transmeton Gazeta Express.
Përpos rasteve fatale, gjatë kësaj periudhe u regjistruan edhe 70,589 persona të infektuar dhe shifra e përgjithshme e rasteve shkoi në 6.15 milionë, ndërsa numri i viktimave 96,318.
Ndonëse numri i viktimave të pandemisë është relativisht i ulët në krahasim me shifrën e infektimeve – 1.6 për qind -, ky shtet është në mesin e vendeve më të prekura dhe bashkë me Shtetet e Bashkuara dhe Brazilin ka rreth 45 për qind të rasteve botërore.