I 11-ti në listën e pagave, Como e arrin Championsin me pagë mesatare prej 1.5 milionë euro për lojtar

Futboll

Gazeta Express

25/05/2026 16:04

I 11-ti në listën e pagave, Como e arrin Championsin me pagë mesatare prej 1.5 milionë euro për lojtar

Futboll

Gazeta Express

25/05/2026 16:04

Como ishte një nga pesë klubet me shpenzimet më të mëdha në Serie A për sezonin 2025–26, por arriti të kualifikohej për herë të parë në historinë e klubit në Ligën e Kampionëve me vetëm pagat e 11-ta më të larta në ligë.

Como i drejtuar nga Cesc Fabregas siguroi kualifikimin në Champions të dielën, falë fitores 4-1 në transfertë ndaj Cremoneses dhe humbjes 2-1 të Milanit kundër Cagliarit në “San Siro”.

Klubi është në pronësi të familjes Hartono, familja më e pasur në Indonezi dhe Azinë Juglindore.

Como ishte ndër klubet që shpenzuan më shumë në Serie A këtë sezon, duke investuar pothuajse 127 milionë euro në transferime të reja, më pak vetëm se Juventusi, Napoli, Atalanta dhe Milani.

Megjithatë, siç theksoi “Sky Sport Italia”, “Azzurrët” arritën një sukses historik pavarësisht se kishin vetëm fondin e 11-të më të lartë të pagave në Serie A: 47 milionë euro për sezonin 2025–26, me një mesatare prej 1.5 milionë euro për lojtar.

Mes klubeve që kanë shpenzuar më shumë për paga këtë sezon janë Lazio, Torino, Fiorentina, Atalanta dhe Bologna, si edhe gjigantët italianë Milani, Juventusi, Interi, Napoli dhe Roma.

Juventusi dhe Milani kanë dështuar të kualifikohen në Champions, duke shënuar herën e parë në 35 vite që të dy klubet mungojnë në kompeticionin më elitar europian në të njëjtin sezon./GazetaExpress/

Pagat e klubeve të Serie A për sezonin 2025–26: