Hokeisti kosovar e rrahu keq kundërshtarin famëkeq dhe u bë hero i tifozëve

Sporte tjera

Gazeta Express

24/10/2022 14:33

Arbër Xhekaj është bërë hero i ekipit të tij në Kanada.

Jo për faktin se është lojtar shumë i mirë, por për përleshjen e fundit që e pati.

Hokeisti kosovar i qëroi hesapet me një hokeist famëkeq, i cili gjatë karrierës i kishte rrahur plot 36 kundërshtarë, shkruan “Gazeta Express”.

Por, këtë radhë 31 vjeçarit Zakc Kassian i hasi sharra në gozhdë, pasi u përball me një kundërshtar të fuqishëm si 21 vjeçari nga Kosova.

Xhekaj e rrahu Kassianin në fillim të karrierës së tij, respektivisht pas vetëm pesë ndeshjesh në ligën e fortë, NHL, siç mund ta shihni në video duke klikuar KETU

Hokeisti kosovar e grushtoi disa herë kundërshtarin dhe më pas e përplasi për akulli, me ç’rast e mori duartrokitjen dhe mbështetjen nga publiku i pranishëm në sallën e Montrealit, në ligën më të fortë në botë të hokejit mbi akull.

Xhekaj është i biri i një kosovari të larguar nga vendi ynë për në Ontario në vitet e 90-ta dhe nëna e tij është çeke.

Deri së fundmi ai ishte pjesë e juniorëve, ndërsa tash ka debutuar me ekipin e parë. /Gazeta Express/