Gjashtë të vrarë në një incident të armatosur në Arabinë Saudite

Gazeta Express

27/05/2020 10:51

Policia e Arabisë Saudite në rajonin Assir, afër kufirit me Jemenin, janë duke e hetuar një incident të armatosur, ku mbetën të vrarë gjashtë persona.

Agjencia shtetërore e lajmeve, SPA, njoftoi se incidenti ndodhi të martën, shkruan “Reuters”, transmeton Gazeta Express.

Përpos të vrarëve, në këtë incident janë plagosur tre persona, të cilët janë dërguar në spital.

Autoritetet nuk dhanë hollësi të tjera për incidentin që ndodhi në Al-Amwah.