Gazetari i CNN: Kryeministri i ri i Australisë është arbëresh sikur edhe unë

Lajme

Gazeta Express

23/05/2022 20:19

Anthony Albanese është zgjedhur kryeministër i Australisë. Ardhja e tij në pushtet nxiti debat edhe për shkak të mbiemrit të tij që është karakteristikë e shumë arbëreshëve të Italisë.

I fundit për këtë ka folur gazetari i CNN, Andrew Kaczynski.

Nëpërmjet Twitter, Kaczynski shpjegoi arsyen e mbiemrit “Albanese” të australianit derisa tregoi se edhe vetë ai ka prejardhje arbëreshe.

“Ai është shqiptar i Italisë. Mbiemri i tij është Albanese. Ai është arbëresh sikur edhe unë”, shkroi ai.

Bazuar në biografinë e udhëheqësit  të ri në Australi, babai i Anthony ishte nga Barletta, vend në Italinë Juglindore. Mbiemri i babait të tij, Albanese, i referohet popullit arbëresh që është në numër të madh në këtë pjesë të Italisë.

Po kështu thonë të dhënat edhe për gazetarin e CNN. Informacionet nga jeta e tij thonë se ai ka prejardhje polake dhe arbëreshe.

He is an Albanian of Italy. His last name is Albanese. He is an Arbereshe like me. https://t.co/Z4vtHmQjLE

— andrew kaczynski (@KFILE) May 22, 2022