“Dikush t’ia kujtojë Petkoviqit se Marrëveshja e Kumanovës ndalon rreptësisht hyrjen e ushtrisë serbe në Kosovë”

Lajme

Gazeta Express

09/12/2022 9:52

Ish Ministrja e Jashtme, Meliza Haradinaj ka reaguar pasi Serbia ka kërcënuar me kthim të ushtrisë në territor të Kosovës.

Ishte drejtori i të ashtuquajturës Zyrë për Kosovën në Qeverinë e Serbisë, Petar Petkoviq, ai i cili mbrëmë ka thënë se Serbia po shqyrton mundësinë që t’i çojë 1000 forca të sigurisë në territor të Kosovës, pak orë pasi Policia e Kosovës shtoi praninë në veri të vendit.

Ai tha se ky veprim tha se do të merret në përputhje me Rezolutën 1244 të Kombeve të Bashkuara.

E Haradinaj ka thënë se “dikush duhet t’ia kujtojë Petkoviqit se pika nr.4 e Marrëveshjes së Kumanovës, e nënshkruar nga Serbia kufizon rreptësisht hyrjen, rihyrjen dhe qëndrimin brenda Kosovës.