Bajoku siguron medalje në Evropian, kalon në gjysmëfinale

Sport

Gazeta Express

16/11/2023 19:18

Bashkim Bajoku ka kaluar në gjysmëfinale në Kampionatin Evropian U22 të boksit.

Kësisoj, ai i ka siguruar medalje nga ky kampionat. Boksieri kosovar tani do të luftojë në gjysmëfinale, shkruan Gazeta Express.

Me dy nok-daune që në raundin e parë, Bashkim Bajoku detyroi gjyqtarin të ndërpresë luftën me Leon Vranjesh të Bosnjës e Hercegovinës.

Bajoku u kualifikua në gjysmëfinale të kategorisë deri në 52 kg. /Gazeta Express/