Arratisja e fundit nga Pompeii

Mistere

Gazeta Express

28/04/2026 22:28

Një studim i ri ka zbuluar momentet e fundit dramatike të një viktime të shpërthimit të Mount Vesuvius, duke treguar përpjekjen e tij për të shpëtuar jetën në qytetin antik të Pompeii.

Arkeologët kanë përdorur inteligjencën artificiale për të rikrijuar pamjen e një burri që u vra gjatë katastrofës në vitin 79 pas Krishtit. Imazhi e paraqet atë duke vrapuar në panik, ndërsa mban mbi kokë një enë balte për t’u mbrojtur nga gurët dhe hiri që binin nga qielli.

Mbetjet e tij u gjetën pranë një personi tjetër, teksa po përpiqeshin të largoheshin drejt bregdetit. Studiuesit besojnë se ai humbi jetën herët gjatë shpërthimit, për shkak të reshjeve të forta të materialeve vullkanike.

Pranë trupit të tij u zbuluan edhe objekte personale si një llambë, një unazë e vogël hekuri dhe disa monedha bronzi, që tregojnë për përpjekjen e tij të dëshpëruar për të shpëtuar.

Qyteti i Pompeit, i mbuluar nga hiri dhe shtufat pas shpërthimit të Vezuvit rreth 2,000 vite më parë, mbetet një nga dëshmitë më të ruajtura të një fatkeqësie natyrore në histori.

Sipas studiuesve, përdorimi i inteligjencës artificiale ndihmon në rikrijimin më realist të këtyre historive njerëzore, duke i bërë ato më të prekshme dhe më të kuptueshme për publikun, pa humbur bazën shkencore. /GazetaExpress/