Rita Ora ishte tepër e shqetësuar për nënën e saj gjatë koronavirusit

Gazeta Express

13/05/2020 21:18

“Isha jashtëzakonisht e shqetësuar”. Kështu ka thënë Rfita Ora kur është pyetur për nënën e saj  e cila për disa ditë ishte në vijë të parë të frontit duke punuar kundër koronavirusit

Këngëtarja ka folur në emisionin “Heart Radio” të mërkurën te Amanda Holden dhe Jamie Theakston dhe ka thënë se ajo është frymëzuar nga “veprimet vetmohuese” të nënës së saj Vera Sahatçiu.

Vera kishte punuar si psikiatre brenda Shërbimit Shëndetësor Kombëtar në Britani, ku ajo është përkujdesur për njerëzit të cilët kanë probleme mendore krahas COVID-19.

“Kam folur me të çdo ditë – ndoshta dy herë në ditë. Ende jam e shqetësuar madje je kam torturuar vetveten nga stresi, por nuk e ndalte askush për ta bërë punën e saj”, ka thënë Rita kur është pyetur për nënën e saj dhe punën e saj kundër pandemisë.

“Nëna e ime është një person kaq pozitive madje gjatë gjithë kohës ajo ishte në humor të mirë”.

“Ajo ndjehet mirë kur është në detyrën e saj dhe në përgjegjësinë e saj. Ishte aq frymëzuese ta shikoja atë se sa punonte për të shpëtuar jetë çdo ditë”. /GazetaExpress/