Mikel largohet nga Trabzonspori: S’luaj futboll në këtë kohë, ka gjëra më të rëndësishme në jetë

Gazeta Express

18/03/2020 16:51

Ish-ylli i Nigerisë dhe Chelseat, John Obi Mikel, e ka lënë Trabzonsporin në bashkëpajtim me klubin, pak ditë pasi publikisht e shprehu shqetësimin përse Superliga e Turqisë po vazhdon t’i zhvillojë ndeshjet, me gjithë përhapjen e shpejtë të pandemisë koronavirus.

Superliga turke është njëra prej pesë ligave që po vazhdon t’i luajë ndeshjet, edhe pse pa praninë e tifozëve në stadiume, transmeton Gazeta Express.

Mikel, 32-vjeç, shkroi në rrjetet sociale se nuk pajtohet aspak me vendimin e ligës elitare turke për të vazhduar me futboll në një kohë të vështirë si kjo.

Ndërkohë, klubi i tij njoftoi më vonë se ai e ka shkëputur kontratën dhe është lojtar i lirë si rrjedhojë.

Sipas Trabzonsporit, Mikel ka hequr dorë nga pagat vetëm e vetëm që të bëhet lojtar i lirë.

Mikel e kishte shkruar të dielën në Instagram këtë mesazh: “Ka gjëra më të rëndësishme në jetë se futbolli. Nuk ndihem rehat dhe nuk dua të luaj futboll në këtë gjendje”.

“Të gjithë duhet të jenë në shtëpitë e veta me familjet dhe me më të dashurit e vet në këtë kohë kritike. Sezoni duhet të ndërpritet sepse bota po përballet me kohëra turbulente”, kishte shkruar ish-kapiteni i Nigerisë./Gazeta Express/

View this post on Instagram

There is more to life than football. I do not feel comfortable and don’t want to play football in this situation. Everyone should be home with their families and loved ones in this critical time. Season should be cancelled as the world is facing such turbulent times.

A post shared by Mikel Obi (@mikel_john_obi) on Mar 14, 2020 at 5:22am PDT