Zbulohet se sa ka paguar Milani për çdo gol të shënuar nga Gimenez e Nkunku deri më tani

Futboll

Gazeta Express

14/04/2026 21:23

Shifrat paraqesin një realitet të pakëndshëm për drejtuesit e Milanit, pasi një analizë statistikore e publikuar nga “TMW” ka nxjerrë në pah qartë se dy investimet më të rëndësishme të fundit në repartin ofensiv nuk kanë arritur të justifikojnë çmimin e tyre, dhe numrat janë të pamëshirshëm.

Santiago Gimenez u transferua nga Feyenoord për 28.5 milionë euro plus 6.5 milionë në bonuse, ndërsa Christopher Nkunku kushtoi 37 milionë euro plus 5 milionë në bonuse dhe një klauzolë 10% nga shitja e ardhshme nga Chelsea.

Në total, Milani ka investuar deri në 77 milionë euro për këta dy sulmues, por kontributi i tyre ka qenë zhgënjyes, siç raporton “TMW” përmes “MilanNews”.

Gimenez ka shënuar shtatë gola në 32 paraqitje, edhe pse është penguar nga dëmtimet gjatë një pjese të madhe të sezonit. Ndërkohë, Nkunku ka realizuar gjashtë gola në 29 ndeshje.

Së bashku, 13 gola në 61 paraqitje është një rendiment shumë më i ulët se sa pritej nga dy transferime kaq të bujshme në sulm.

Edhe kostoja për gol e bën situatën edhe më shqetësuese, me mbi 5 milionë euro për çdo gol të shënuar mes tyre, ndërsa për Gimenezin shifra afrohet me 1 milion euro për çdo paraqitje.

Vera pritet të sjellë vendime të vështira. Shitja e ndonjërit prej tyre pa pësuar humbje financiare do të jetë shumë e vështirë, dhe Milani e ka bërë të qartë se nuk është i gatshëm të pranojë humbje në bilanc.

Megjithatë, mbajtja në skuadër e dy sulmuesve që nuk kanë dhënë rezultatet e pritura ngre pyetje serioze për drejtimin e strategjisë së transferimeve të klubit, në prag të një merkatoje që pritet të jetë vendimtare./GazetaExpress/