Të shtëna në një shkollë të mesme në Turqi, 16 veta u plagosen përpara se sulmuesi të vrasë veten

Gazeta Express

14/04/2026 11:10

Një ish-nxënës hapi zjarr në një shkollë të mesme në juglindje të Turqisë të martën, duke plagosur të paktën 16 persona, përpara se të vriste veten, njoftoi një zyrtar.

Sulmuesi 18-vjeçar, që kishte një armë gjahu, ka shtënë në një shkollë profesionale në Siverek, në provincën Şanlıurfa, përpara se të fshihej brenda ndërtesës. Më pas ai vrau veten me të njëjtën armë, tha guvernatori Hasan Şıldak, shkruan CNN, transmeton Gazeta Express.

Një mësues, i cili ishte mes të plagosurve, ndodhet në gjendje të rëndë, raportoi televizioni NTV.

Motivi i sulmit mbetet i paqartë. Ngjarje të tilla në shkolla janë të rralla në Turqi.

Njësitë speciale të policisë u dislokuan pasi autori refuzoi të dorëzohej, ndërsa i gjithë stafi dhe nxënësit u evakuuan, sipas NTV-së.

Pamjet shfaqen dhjetëra nxënës duke vrapuar jashtë shkollës drejt portës dhe më pas në rrugë.