Vriten katër ushtarë izraelitë gjatë luftimeve në jug të Libanit

Lajme

Gazeta Express

31/03/2026 8:46

Sipas raportimit nga “Jerusalem Post”, ushtria izraelite njoftoi sot se katër ushtarë të saj u vranë gjatë luftimeve në jug të Libanit, transmeton Anadolu.

Izraeli ka goditur Libanin me sulme ajrore dhe ka nisur ofensivë tokësore në jug të Libanit që nga një sulm ndërkufitar nga Hezbollahu më 2 mars.

Autoritetet libaneze kanë thënë se të paktën 1.247 persona janë vrarë dhe 3.690 të tjerë janë plagosur në sulmet izraelite.

Përshkallëzimi erdhi mes një ofensive të përbashkët të SHBA-së dhe Izraelit ndaj Iranit, e cila ka vrarë më shumë se 1.340 persona që nga 28 shkurti.

Irani është kundërpërgjigjur me sulme me dronë dhe raketa që kanë shënjestruar Izraelin dhe bazat amerikane në vendet e Gjirit.