Kur do të pensionohet CR7? Flet trajneri i tij te Portugalia

Futboll

Gazeta Express

29/03/2026 18:20

Lëndimi i pafat i Cristiano Ronaldos, i pësuar më 28 shkurt gjatë ndeshjes së Al Nassrit kundër Al Fayhas, e ka mbajtur atë jashtë fushave.

Ai humbi jo vetëm ndeshjet ndaj NEOM dhe Al-Khaleejit, por edhe miqësoret përgatitore të Portugalisë për Kupën e Botës kundër Meksikës (0-0) dhe SHBA-së.

Në moshën 41-vjeçare dhe me vetëm 75 ditë para fillimit të Kupës së Botës, dyshimet për pjesëmarrjen e tij kanë shqetësuar tifozët, ndërsa është folur edhe për tërheqjen nga futbolli.

Megjithatë, trajneri i Portugalisë, Roberto Martinez, ka sqaruar arsyen e vërtetë që do të përcaktojë vendimin e yllit portugez.

Martínez u detyrua të riorganizojë skuadrën pasi kapiteni pësoi një dëmtim në kofshë në fund të shkurtit.

Për të shmangur një dëmtim më serioz, ai dhe stafi i Al Nassrit vendosën ta lënë jashtë miqësoreve kundër Meksikës dhe SHBA-së.

Pavarësisht kësaj, gjithçka tregon se Ronaldo do të vazhdojë ende.

Raportohet se ai pritet të rikthehet më 3 prill në ndeshjen e Al Nassrit kundër Al-Najmas në Saudi Pro League dhe është gati të marrë pjesë në Kupën e tij të gjashtë të Botës.

Mentaliteti i tij konkurrues, lidershipi, qëndrimi, puna e vazhdueshme fizike dhe mendore, si dhe profesionalizmi janë faktorët që e kanë ndihmuar të kapërcejë jo vetëm këtë dëmtim, por çdo sfidë në karrierë, duke e bërë një nga lojtarët më të mëdhenj të këtij shekulli.

Martínez theksoi se vendimi për tërheqje nuk lidhet me moshën, por me mendjen e lojtarit.

“Gjithmonë kam menduar se është trupi që e detyron një lojtar të tërhiqet, por në fakt është mendja. Mendja e Cristiano-s nuk e ka marrë atë vendim as në moshën 40 apo 41 vjeç. Një lojtar elitar nuk përcaktohet vetëm nga talenti, por nga mentaliteti dhe rezistenca”, tha ai për “The Guardian”.

Ndërkohë, Portugalia do të përballet me SHBA-në në stadiumin “Mercedes-Benz Stadium” në Atlanta, përpara se të nisë aventurën në Kupën e Botës.

Në turne, Portugalia do të përballet me Kolumbinë, Uzbekistanin dhe fituesin e “play-offit” ndërkontinental mes Xhamajkës dhe Republikës së Kongos në Grupin K.

Kjo pritet të jetë Kupa e gjashtë dhe e fundit e Botës për Ronaldon, pasi ai ka konfirmuar se nuk planifikon të luajë në një tjetër turne.

Megjithatë, sipas Martínezit, fundi i karrierës së tij nuk do të vijë kur ta diktojë kalendari, por kur vetë lojtari të vendosë se është momenti i duhur./GazetaExpress/