U përfshi në formacionin e vitit në Serie A, Rrahmani s’e ka ndërmend të ndalet me kaq

Futboll

Gazeta Express

02/12/2025 18:28

Qendërmbrojtësi i Napolit dhe kapiteni i kombëtares së Kosovës, Amir Rrahmani ka arritur edhe një sukses në Itali.

Rrahmani ishte ndër lojtarët kyç të Napolit në shpalljen kampion sezonin e kaluar, duke qenë lojtari më stabil në formacionin e Antonio Contes.

Qendërmbrojtësi mbrëmë në “Gran Gala del Calcio” u vendosë në 11-shen më të mirë të sezonit të kaluar në Serie A.

Pas arritjes së këtij suksesi, Rrahmani ka premtuar se nuk do të ndalet me kaq.

Në rrjetin social “Instagram”, ai ka shkruar: “Jam i bërë për më shumë”.

View this post on Instagram

A post shared by Amir Rrahmani (@amir_rrahmani13)

Rrahmani fitoi Scudetton e dytë sezonin e kaluar me Napolin, pasi një gjë të tillë e kishte bërë më 2022/23./GazetaExpress/