Trajneri i Shqipërisë, Sylvinho: “Anglia e Tuchel, ndër më të fortat”

Sport

Gazeta Express

16/11/2025 12:58

Trajneri i kombëtares shqiptare, Sylvinho, ish-lojtar i klubeve të mëdha si Arsenal dhe Manchester City, ka shprehur respekt të madh për ekipin e Anglisë për ndeshjen e fundit të kualifikimeve për Kupën e Botës.

“Fatkeqësisht, duhet të them se ata janë më të fortë se gjashtë muaj më parë.Numrat janë të mahnitshëm. Thjesht e pabesueshme! Por ne jemi të lumtur, do të përballemi me një nga ekipet më të mira dhe do të përpiqemi të bëjmë detyrën tonë.”

“Lojtarët e mi kanë besim dhe duan të luajnë. Do të përgatitemi për të shënuar dhe për të dhënë një ndeshje të madhe. Në 90 minuta futboll, gjithçka mund të ndodhë,” tha Sylvinho.

Ai shtoi: “Ata janë në një nivel krejtësisht tjetër. Nuk duhet të ketë keqkuptime për ne. Jemi shumë të lumtur me ekipin tonë dhe për herë të parë do të luajmë play-off-in në mars, por kjo është krejt tjetër. Është një ndeshje e madhe dhe e vështirë.

“Trajner i shkëlqyer, e dua mënyrën se si luan dhe gjithashtu ka disa nga lojtarët më të mirë në botë.”, përcjell GazetaExpress.

Shqipëria shkon në këtë përballje me respekt, por edhe me ambicien për të dhënë një performancë të fortë kundër një prej kombëtareve më të forta në futboll. /GazetaExpress/