Istogu mëson kundërshtarin për raundin e tretë në Kupën Evropiane

Sport

Gazeta Express

03/10/2023 18:22

KHF Istogu ka mësuar të martën kundërshtarin e raundit të tretë të Kupës Evropiane për hendbolliste.

Shorti i tërhequr në Vjenë ka përcaktuar që Istogu të përballet me skuadrën e njohur sllovake, Iuventa Michalovce. Ndeshja e parë luhet në Sllovaki, ndërsa e kthimit në Kosovë.

Ndeshjet e raundit të tretë të Kupës Evropiane zhvillohet më 11/12 dhe 18/19 nëntor.

Në raundin e dytë të Kupës Evropiane, kampioni ynë e eliminoi skuadrën portugeze, 1Maio/Ada.

Iuventa Michalovce ka në përbërje shumë lojtare të huaja dhe lojtare cilësore sllovake. Është skuadër e nivelit të lartë, ndërsa edicionin e kaluar arriti deri në gjysmëfinale të Kupës Evropiane.

Ka përvojë shumë të gjatë në gara evropiane.

Por istogaset kanë synimet e tyre, ndonëse nuk e kishin fatin në short. /Gazeta Express/