Flautistë të rinj të Kosovës në punëtori me flautisten e njohur italiane Lusia Sello

Arte

Gazeta Express

07/09/2023 14:27

Flautistja italiane Luisa Sello po mbanë punëtori me studentet e Fakultetit të Artit në Prishtinë tash e disa ditë. Flautistët e rinj po bëhen gati për të performuar në skenë në kuadër të festivalit DAM Fest.

Rezultatet e punëtorisë që ka nisur më 6 shtator do të mund t’i shijoni në koncertin e 9 shtatorit prej orës 19:30 në Amfiteatrin e Ri të Bibliotekës Universitare në Prishtinë. Sello do të shoqërohet në skenë nga dy soliste nga Kosova Jeta Gërqari dhe Zana Abazi si dhe Orkestra e të Rinjve të Kosovës nën drejtimin e mjeshtrit Kushtrim Gashi.

Ky projekt po zhvillohet në kuadër të festivalit të muzikës klasike, DAM Fest, përkrahet nga Ambasada Italiane në Prishtinë dhe Instituti Italian i kulturës në Tiranë.

/Express