Loriana Kuka ka kaluar në rrethin e dytë të Mastersit të Dohas, pasi e mposhti xhudisten nga Gaboni, Sarah-Myriam Mazouz të mërkurën në mëngjes.
Xhudistja kosovare Kuka e mundi me lehtësi kundërshtaren e vet nga Gaboni në luftën e tyre në rrethin e parë në kategorinë deri në 78 kilogramë, raporton Gazeta Express.
Në rrethin e dytë, Kuka do të përballet me francezen Audrey Tcheumeo.
Ajo do të kërkojë ta bëjë atë që e bënë bashkatdhetaret e veta Distria Krasniqi, Majlinda Kelmendi dhe Nora Gjakova, dhe t’i sjellë Kosovës medalje nga Katari.
Kosova i fitoi tri medalje në ditën e parë të Mastersit të Dohas.
Krasniqi e fitoi medaljen e artë, ndërsa Kelmendi dhe Gjakova i fituan të bronztat.
Dje garoi edhe Akil Gjakova, i cili megjithatë dështoi në përpjekjet e tij për të fituar medlaje. /Gazeta Express/
Në një studim të fundit të kryer nga ekspertë të industrisë – Data4X, Viva Fresh Store, si një ndër kontribuesit kryesorë, renditet në këtë...