Tottenhami dështon ta sigurojë mbijetesën, mposhtet nga Chelsea

Futboll

Gazeta Express

19/05/2026 23:22

Tottenham Hotspuri hyri në ndeshjen ndaj Chelseat në “Stamford Bridge” duke e ditur se një pikë praktikisht do t’ia siguronte mbijetesën në Premierligë.

Por, si gjithmonë, marrja e rezultatit pozitiv në fushën e Chelseat rezultoi shumë e vështirë.

Spurs u mposhtën 2-1, pas një supergoli të Enzo Fernandez në pjesën e parë dhe golit të Andrey Santos në pjesën e dytë.

Richarlisoni riktheu shpresat për Tottenhamin në minutën e 74-të, duke shënuar pas një asistimi elegant me thembër nga Pape Sarr.

Pas golit, tensioni në fushë u rrit dhe arbitri ndau disa kartonë për lojtarët e të dy skuadrave.

Megjithatë, ndeshja përfundoi ashtu siç ndodh shpesh për Spurs në transfertë ndaj Chelseat – me humbje 2-1.

Kjo do të thotë se Tottenhami do ta vendosë fatin e mbijetesës në javën e fundit të sezonit në Premierligë.

Tottenhami mund ta sigurojë mbijetesën me vetëm një pikë, në ndeshjen e fundit ndaj Evertonit.

Skuadra e drejtuar nga Roberto De Zerbi do të luajë ndaj Evertonit më 24 maj, e diel.

Momentalisht, Tottenhami ka 38 pikë kundrejt 36 të West Hamit.

Të rënë nga liga tashmë janë Burnley me 21 pikë dhe Wolvesi me 19 sosh./GazetaExpress/