‘Drin të lutem gjej forcë dhe lufto’, mjeku Drini Dobi po lufton me Covid-19, mikja e tij përlot me fjalët

Shqiperi

Gazeta Express

03/12/2020 15:49

Për rreth një muaj, mjeku neurolog Drini Dobi ndodhet në gjendje të rënduar shëndetësore për shkak të infektimit me koronavirus.

Presidentja e Urdhrit të Mjekut në Tiranë Arjana Stojku, e cila është edhe mikja e tij i ka bërë një apel mjekut që të mos dorëzohet, por të luftojë për t’u shëruar.

Përmes një postimi në rrjetet sociale, ajo shkruan se bardhësia e shpirtit të tij do të fitojë dhe Drini Dobi do të jetë sërish mes familjarëve dhe miqve të tij.

“Drin te lutem gjej force dhe lufto, per vete, Florinden ,femijet..per te gjithe ne ..gjej force ne shpirtin tend te madh,mos u lesho. E kam te veshtire te shkruaj per ty si mik ,koleg, po une po gjej force per tu lutur pasi e di qe ,ti do ja dalesh se zemra jote e madhe do gjeje forcen per te fituar mbi kete flame ,do gjeje forcen qe ka brenda teje duke fituar mbi cdo gje ,ashtu si ti je mesuar per te qene kudo ku ka nevoje ,per ti sherbyer cilido,perparesia e bardhe te ti ka kuptim ,prandaj bardhesia e shpirtit tend do fitojë dhe ti do jesh prape prane nesh”,- shkruan Stojku.