Valon Zymberi dhe anëtarët e tjerë nga kryesia e klubit të Dritës janë liruar nga paraburgimi.
Ata qëndruan në paraburgim për 48 orë, por tashmë raportohet se janë liruar, shkruan Gazeta Express.
Sot u mbajt një seancë në Gjykatën Themelore në Gjilan, me ç’rast u mor edhe ky vendim.
Të akuzuarit, përfshirë drejtorin sportiv të Dritës, tani janë të detyruar të paraqiten një herë në javë në stacionin policor në Gjilan.
Ata gjithashtu e kanë të ndaluar t’u afrohen personave të caktuar.
Zymberi dhe anëtarët e tjerë të klubit gjilanas u arrestuan pasi sulmuan fizikisht liderin e tifo-grupit “Intelektualët”.
Ky incident ndodhi të mërkurën, menjëherë pas ndeshjes së Dritës ndaj Prishtinës në Kupën e Kosovës, ku gjilanasit u eliminuan në gjysmëfinale.
/Gazeta Express/
Thellë nga natyra e paprekur, në zemër të Bjeshkëve të Istogut, nga mali madhështor i Moknës, shtrihet një perlë...