Zbulohet pozita në të cilën do të luajë Mbappe te Real Madridi

Futboll

Gazeta Express

24/04/2024 19:37

Kylian Mbappe te Real Madridi pritet që të ndodh më në fund këtë verë.

Ylli francez ka vendosur të largohet nga Paris Saint-Germain në fund të këtij edicioni, shkruan Gazeta Express.

E destinacioni i tij do të jetë kryeqyteti spanjoll, më saktësisht Reali i Madridit.

Sipas mediumit spanjoll, Diario AS, Mbappe do të luajë në pozitën e qendrërsulmuesit dhe është i lumtur me këtë pozicion te “Los Blancos”.

Kjo do ta lërë Vinicius Juniorin në pozitën e sulmuesit të majtë.

Ky ndryshim synon të lehtësojë integrimin e tij brenda ekipit.