‘Zbulohet’ formacioni më i vlefshëm, që nuk do të jetë pjesë e Botërorit 2026

Futboll

Gazeta Express

12/05/2026 20:03

Pesë lojtarë italianë, përfshirë Sandro Tonalin dhe Gianluigi Donnarumman, janë pjesë e formacionit më të vlefshëm të lojtarëve që nuk do të marrin pjesë në Kupën e Botës 2026.

Italia dështoi të kualifikohej për turneun për herë të tretë radhazi, duke humbur finalen e “play-offit” me penallti ndaj Bosnjë dhe Hercegovinës.

Sipas “Transfermarkt” (përmes “Gazzetta”), është përpiluar një formacion me lojtarët më të vlefshëm që do të mungojnë në Botëror, ku Italia ka një prani të fortë.

Në portë qëndron Donnarumma, ndërsa në mbrojtje përfshihen edhe Alessandro Bastoni dhe Riccardo Calafiori në një treshe mbrojtjeje.

Në mesfushë janë dy emra të tjerë italianë, Nicolò Barella dhe Tonali, duke formuar një repart shumë të fortë në letër.

Në sulm, spikasin dy ish-yje të Serie A: Khvicha Kvaratskhelia dhe Victor Osimhen, të cilët gjithashtu nuk kanë arritur kualifikimin me kombëtaret e tyre.

Italia do të luajë dy ndeshje miqësore në qershor nën drejtimin e trajnerit të përkohshëm Silvio Baldini, i cili do ta publikojë listën e lojtarëve më 25 maj.

Formacioni më i vlefshëm i lojtarëve që mungojnë në Botëror është:

Donnarumma; Zabarnyi, Bastoni, Calafiori; Szoboszlai, Tonali, Barella, Baleba; Mbeumo, Osimhen, Kvaratskhelia./GazetaExpress/