Rindërtohet skena e krimit të rëndë që ndodhi paraditen e sotme në zonën e Kune-Vainit në Lezhë, ku u vra me armë zjarri në krye të detyrës një oficer i krimeve, baba i dy fëmijëve të mitur.
Referuar burimeve nga grupi hetimor është bërë e mundur rindërtimit i skenës së vrasjes së efektivit 44-vjeçar, i cili ishte duke patrulluar me një grup efektivësh kur u qëllua për vdekje.
Mësohet se gjatë patrullimit të policisë, është konstatuar një mjet i ndaluar. Oficeri Saimir Hoxha është ulur për të shkuar pranë automjetit dhe për të bërë verifikimin e personit.
Sapo i është afruar, 21-vjeçari Aldo Rama ka qëlluar me armë duke e plagosur. Plumbi e ka kapur në zemër efektivin, i cili ka ndërruar jetë rrugës për në spital.