Vazhdojnë tensionet në distancë mes Dritës e Ballkanit, gjilanasit kritikojnë nivelin e klubit nga Suhareka

Futboll

Gazeta Express

21/04/2024 16:04

Drejtori i Dritës, Feti Murseli për Express tha se janë sulmuar fizikisht pas ndeshjes në Suharekë, duke përmendur emrin e menaxherit të Ballkanit, Idriz Hajrizit.

E ky i fundit po për Express mohoi se e ka sulmuar dikë.

Ndërsa sot ka ardhur edhe reagimi zyrtar nga kampioni në fuqi i Kosovës, Ballkani.

Ata thanë se nuk i ka hije Dritës të mundohen të fabrikojnë situata që nuk kanë ndodhur.

E për këtë deklaratë, Feti Murseli ka dalë me një sqarim:

Sqarim për opinon në lidhje me deklaraten e FC Ballkanit.

Sot kemi lexuar për një deklarat të Ballkanit duke mohuar që ka patur sulm fizik ndaj zyrtarëve të klubit tonë në ndeshjën e djeshme, ndërsa zyrtari i klubit Idriz Hajrizi më shkruan mesazh privat pas ndeshjes duke më thënë që nuk isha unë që ju kam sulmuar por më ke ngatrru me ndihmës trenerin(duke mos e mohuar sulmin, thjesht duke hequr përgjegjësin nga vetja e tij).

Kjo është një dëshmi se në cfar niveli të organizimit dhe funksionimit është ky klub.

Me vjen keq për nivelin në të cilin kam rënë ditën e djeshme mirëpo për të demaskuar dikë, duhet një gjë e tillë dhe për këtë e kam pasur detyrim.