Vashat e arta të Kosovës ngriten për 11 pozita në renditjen e FIFA-s

Sport

Gazeta Express

21/04/2026 12:17

Vashat kosovare po vazhdojnë të impresionojnë me paraqitjet e tyre.

Falë dy fitoreve të regjistruara gjatë këtij muaji, Kombëtarja e Kosovës në konkurrencën e femrave ka shënuar përparim edhe në renditjen më të re të FIFA-s.

Në fakt, Dardanet e shohin veten për 11 pozita më lartë në ranglistën më të re të shtëpisë së futbollit botëror.

Kosova i ka regjistruar katër fitore nga po aq ndeshje, duke i mposhtur Gjibraltrain, KRoacinë e Bullgarinë.

Ato do t’i zhvillojnë edhe dy ndeshje, kundër Kroacisë më 5 qershor dhe ndaj Gjibraltarit më 9 qershor.

Vashat kosovare synojnë të kualifikohen në Botërorin 2027, i cili do të mbahet në Brazil vitin tjetër. /Gazeta Express