Tomë Gashi: Qasja jo se “është i Albinit” ndikoi në moszgjedhjen e presidentit

Lajme

Gazeta Express

29/04/2026 16:15

Avokati Tomë Gashi, në një paraqitje në emisionin “Kosova Live” në T7, ka komentuar zhvillimet politike në vend dhe dështimin për zgjedhjen e presidentit.

Sipas tij, një nga arsyet kryesore të moszgjedhjes së presidentit lidhet me faktin se kandidati është parë si propozim i kryeministrit Albin Kurti, e jo si figurë përfaqësuese e gjithë qytetarëve.

“Nuk zgjidhet presidenti vetëm nga dikush. Nuk e zgjedhim një president apo s’e zgjedhim pse është i Albinit. Jo, ai është i të gjithë qytetarëve”, u shpreh Gashi.

Ai theksoi se një qasje e tillë është e gabuar dhe dëmton funksionimin institucional, pasi presidenti nuk i përket asnjë partie apo lideri politik.

“Presidenti nuk zgjidhet për një parti apo për një lider. Nuk është president i Albin Kurtit, as i partive politike. Presidenti është i gjithë qytetarëve të Kosovo”, tha ai.

Gashi kritikoi qasjen e opozitës, duke lënë të kuptohet se refuzimi i kandidatit ka ardhur më shumë për shkak të emrit të propozuesit sesa për vetë kandidatin dhe se kjo do ndihmoj Vv-në të rritet mbi 51% në zgjedhjet e ardhshme.