TEMPUS: Sfidat e drejtësisë penale

Lajme

Gazeta Express

08/05/2026 23:59

E premte, 08 maj 2026, prej orës 22:00, në IKD, Betimi për Drejtësi, T7 dhe Gazeta Express, u transmetua emisioni “TEMPUS”, Episodi 205, me temën: “Sfidat e drejtësisë penale”.

Në këtë episod u trajtuan sfidat kryesore të sistemit të drejtësisë penale në Kosovë, përfshirë ngarkesën e gjykatave dhe prokurorive, efikasitetin në trajtimin e lëndëve, si dhe ndikimin e këtyre faktorëve në cilësinë e vendimmarrjes gjyqësore dhe hetimeve penale.

U diskutua gjithashtu roli i politikës ndëshkimore dhe uniformiteti i dënimeve, sfidat në trajtimin e kërkesave pasurore-juridike, si dhe raporti ndërmjet prokurorisë, gjykatave dhe avokatëve në procedurat penale.

Po ashtu, u trajtua çështja e mbingarkesës së prokurorëve dhe gjyqtarëve, si dhe ndikimi i saj në kohëzgjatjen e procedurave dhe perceptimin publik ndaj sistemit të drejtësisë.

A ndikon ngarkesa e madhe në cilësinë e hetimeve dhe gjykimeve?

Sa uniforme është politika ndëshkimore në raste të ngjashme?

Pse kërkesat pasurore-juridike nuk trajtohen mjaftueshëm nga gjykatat?

Dhe si ndikon struktura aktuale e sistemit në efikasitetin e drejtësisë?

Në këtë emision morën pjesë: Ngadhnjim Arrni, Kryetar i Gjykatës Themelore në Prishtinë; Arianit Salihu, Zëvendëskryeprokuror në Prokurorinë Themelore në Prishtinë; Vjosa Shkodra, Avokate; dhe Gzim Shala, Hulumtues i Lartë në IKD.

“TEMPUS” vjen me Betim Musliun.

Emisioni “TEMPUS”, Episodi 205, u transmetua në IKD, Betimi për Drejtësi, T7 dhe Gazeta Express.