Rikthim i çmendur i Interit ndaj Comos, e siguron finalen e Kupës, u rikthye nga 0-2 në 3-2

Futboll

Gazeta Express

21/04/2026 23:06

Interi përmbysi një disavantazh 2-0 ndaj Comos dhe fitoi 3-2, duke siguruar finalen e Kupës së Italisë.

Interi përmbysi rezultatin falë dy golave të Hakan Çalhanoğlut dhe një tjetër nga Petar Sučić.

Como kaloi në avantazh me dy gola, fillimisht me Martin Baturina në pjesën e parë, në minutën e 32-të.

Të dytin e shënoi kapiteni Lucas Da Cunha në fillim të pjesës së dytë, më saktësisht në minutën e 48-të.

Interi reagoi duke ngushtuar diferencën me një gol të Çalhanoğlut në minutën e 69-të.

Ndërsa më pas barazoi 2-2 me një tjetër realizim të tij në minutën e 86-të.

Kur ndeshja po shkonte drejt kohës shtesë, Sučić shënoi golin e fitores për 3-2, tre minuta më vonë.

Me këtë sukses, Interi kalon në finale, ku do të përballet me fituesin e çiftit Atalanta – Lazio./GazetaExpress/