Kërcënim për bombë në aeroportin e Groenlandës, evakuohet terminali dhe arrestohet një person i dyshuar!

Lajme

Gazeta Express

21/04/2026 23:39

Autoritetet evakuuan aeroportin në kryeqytetin e Groenlandës, Nuuk, pas një kërcënimi me bombë dhe arrestuan një person në lidhje me hetimin, tha policia.

Aeroporti u evakuua më herët gjatë ditës pas një kërcënimi me bombë.

Autoritetet refuzuan të thoshin nëse në aeroport u gjetën objekte të rrezikshme dhe nuk komentuan më tej mbi rastin.

Incidentet e këtij lloji konsiderohen jashtëzakonisht të rralla në Groenlandë, një ishull i madh gjysmë-autonom Arktik, që është pjesë e Mbretërisë së Danimarkës dhe së fundmi është futur në “syrin” e gjeopolitikës pas deklaratave të presidentit amerikan Donald Trump për ta bërë pjesë të SHBA-ve. /Panorama