Rast i rëndë në Rrugën B në Prishtinë, një person dyshohet se e ka ther veten për vdekje pasi ka lënduar të dashurën me thikë

Lajme

Gazeta Express

09/05/2025 16:36

Para pak minutash në Rrugën B në Prishtinë dyshohet se ka ndodhur një rast i rëndë, pasi një person dyshohet se ka therur veten për vdekje pasi paraprakisht kishte lënduar të dashurën e tij.

Sipas burimeve të Gazetës Express brenda organit të hetuesisë, dyshohet se një person pasi ka lënduar të dashurën e tij me thikë, është vetëlënduar poashtu me thikë dhe nga plagët e marra ka vdekur.

Dyshohet se e dashura e tij ka pësuar disa lëndime të lehta.

Gazeta Express ka kontaktuar dhe Zyrën për Media të Policisë së Kosovës dhe është në pritje të një përgjigjeje zyrtare të PK-së./Express/