Kryeministri Rama nuk ka ndërmend të lëvizë nga kushti i tij për gratë naftëtare, që prej thuajse dy javësh qëndrojnë në grevë urie.
Rama ka shkruar sërish në rrjetin social kërkesën e tij që gratë t’a braktisin grevën dhe të ulen me kryeministrin për të zgjidhur problemin e tyre.
STATUSI I RAMËS:
Të dashura greviste të Ballshit, është e drejta juaj të mos dilni nga greva, por është e pamundur të ulemi bashkë me presione e ultimatume! Jam gati të vij tek ju sapo të mbyllni grevën e të flasim si do mundemi t’ju ndihmojmë për këtë hall që nuk e ka krijuar qeveria.
Ne po punojmë për të gjetur investitorë seriozë që të rindezin rafinerinë edhe pse greva juaj nuk ndihmon as për këtë! Ndërsa për ndihmën e mundshme shtetërore ndërkohë, meqë ju s’pranoni as të dilni në asistencë, ka vetëm një rrugë: Mbyllni grevën dhe ulemi qajmë hallin!