PSG e dëshiron Rashfordin

Futboll

Gazeta Express

12/08/2022 9:59

Paris Saint-Germain ia ka vënë syrin sulmuesit të Manchester Unitedit, Marcus Rashford.

Trajneri Christophe Galtier konfirmoi të enjten në konferencë për media se dëshironte një sulmues të ri gjatë afatit kalimtar veror.

Ndërkohë, konfirmoi se do të bëjnë çmos ta largojnë Mauro Icardin nga klubi, transmeton Gazeta Express.

L’Equipe tani raporton se klubi nga “Parku i Princave” po e shqyrton transferimin e Marcus Rashford nga Manchester United.

24-vjeçari është produkt i akademisë së “Djajve të Kuq”, ndërsa mbetet të shihet nëse klubi anglez do ta pranojë ta shesë. /Gazeta Express/