Përpjekjet për ta detyruar Iranin të dorëzohet do të dështojnë, thotë presidenti iranian

Gazeta Express

15/04/2026 11:15

Presidenti iranian Masoud Pezeshkian ka deklaruar se çdo përpjekje nga SHBA-ja ose Izraeli për ta detyruar Iranin të “dorëzohet” është “e destinuar të dështojë dhe se populli iranian kurrë nuk do ta pranojë një qasje të tillë”.

Duke folur në një takim me zyrtarë të shërbimeve emergjente në Teheran të mërkurën, Pezeshkian tha se Teherani nuk po kërkon luftë apo paqëndrueshmëri.

Në vend të kësaj, presidenti tha se “Irani ka theksuar gjithmonë nevojën për bisedime dhe ndërveprime konstruktive me vende të ndryshme”.

Deklaratat e tij vijnë pasi Trump tha se bisedimet SHBA–Iran mund të rinisin në Pakistan “brenda dy ditëve”, por Teherani ende nuk ka reaguar, shkruan BBC.