Pasi mediat ruse publikuan lajmin e rremë se Mbreti Charles kishte vdekur, ai u shfaq edhe sot në publik.
Paparacët e kanë fotografuar teksa po largohej nga Windsor, ai ishte ulur në sediljen e pasme të makinës së tij, transmeton “Daily Mail”.
Mediat ruse raportuan më parë se mbreti kishte vdekur në moshën 75-vjeçare nga ndërlikimet nga kanceri, duke cituar “burime mediatike” të paidentifikuara në një seri postimesh të pashpjegueshme.
E gjithë kjo ndodhi pasi një foto e një deklarate të rreme nga Buckingham Palace për “vdekjen e papritur” të monarkut qarkulloi në rrjetet sociale.