Parashikimi i motit për javën e ardhshme

Lajme

Gazeta Express

13/12/2020 20:52

Javën e tretë të dhjetorit pritet të kemi mot stabil, kryesisht me diell. Në mëngjes ngrica, e në ultësira me mjegull, vende-vende edhe përgjatë pasdites.

Sipas Prishtina Weather ditën e hënë do të ketë mot kryesisht me vranësira, më i ftohtë dhe me erë.

Moti stabil që parashihet të mbizotëroj këtë javë, me paraqitjen e inversioneve termike dhe mjegull, do të mbaj ndotësit ajror më të përqendruara pranë sipërfaqes tokësore, kështu që cilësia e ajrit do të pësojë përkeqësime, ndërsa indeksi do të kaloj edhe në vlera të dobëta dhe shumë të dobëta, kohëpaskohe edhe jashtëzakonisht të dobëta.  Vetëm dita e hënë që karakterizohet edhe me erëra veriore do të ketë indeks të cilësisë të ajrit në vlera të mjaftueshme dhe të mira.

14.12 – Kryesisht me vranësira, ditën edhe me intervale me diell.  Në mbrëmje priten edhe kthjellime.

15.12 – Kryesisht me diell.  Në mëngjes ngrica, viseve të ulëta mjegull/vranësira të ulëta, që vende-vende mund të mbeten më gjatë edhe pasdite.

16.12 – Kryesisht me vranësira.  Në mëngjes ngrica, përgjatë viseve të ulëta mjegull/vranësira të ulëta, që vende-vende mbeten edhe pas mesditës.

17.12 – Kryesisht me diell. Orëve të mëngjesit ngrica, e nëpër vise të ulëta mjegull/vranësira të ulëta, të cilat vende-vende mbeten edhe gjatë ditës.

18.12 – Kryesisht kthjellët dhe me diell.  Në mëngjes ngrica, përgjatë ultësirave mundësi për mjegull ose vranësira të ulëta.  Vende-vende mjegulla mund të mbetet edhe përgjatë ditës. 

Temperaturat minimale të ajrit lëvizin nga -2C deri 1C, e temperaturat maksimale shënojnë rritje nga 5C deri në 9C, mirëpo në pjesët e mbuluara me mjegull do të mbeten më të ulëta.

Të hënën do të fryj mesatare nga verilindja 6-12m/s, e nga dita e martë e lehtë drejtimesh të ndryshme.

Shtypja atmosferike shënon rritje graduale lartë mbi vlera normale.