‘Paradise’ / Kino Armata

Arte

Gazeta Express

18/04/2024 15:13

Në Ditën e Tokës, të hënën më 22 prill 2024, 19:00h, në partneritet me Aleancën Franceze në Prishtinë, Ambasadën Franceze në Kosovë dhe IF Cinema, Kino Armata shfaq filmin Paradise (2022), me regji të Alexander Abaturov.

Në vitin 2021, një valë ekstreme e të nxehtit shkaktoi zjarre të mëdha në pyjet e mëdha subarktike të Sakha, një republikë verilindore në Siberi. Fshati Shologon shtrihet në këtë peizazhin taiga, i cili u mbulua me tym ngjyrë portokalli dhe hi të zi. Pylli digjet dhe flakët po afrohen me shpejtësi.

Banorët origjinalë të zonës nuk presin asnjë ndihmë nga qeveria, sepse Shologon është në buzë të një “zone kontrolli”. Ky është termi zyrtar rus për çdo zonë të largët ose me popullsi të rrallë ku autoriteteve nuk u kërkohet të luftojnë zjarret në rast se kostoja e shuarjes së tyre do të tejkalonte koston e dëmit të vlerësuar. Të lënë në fatin e tyre, fshatarët bashkojnë forcat.

Ky film vizualisht i fuqishëm është i ndërthurur me një përrallë nga Sakha për erën që fryn mbi malin e shenjtë. Kjo përrallë tradicionale është bërë befas shumë aktuale, tani që era po afron flakët gjithnjë e më shumë. Kamera i shoqëron burrat teksa hyjnë në zonën e zjarrit, për të shuar flakët e asaj që ata e quajnë “Dragoi”. Ky ferr është dëshmi e fuqishme se ndryshimet klimatike po ndodhin më shpejt në rajonet polare se kudo tjetër.