Pamje: Boksierja 18-vjeçare bie në koma pas humbjes me nokaut brutal

Sporte tjera

Gazeta Express

01/09/2021 10:20

Boksierja meksikane Jeanette Zacarias Zapata ka rënë në koma, pas një humbjeje me nokaut që e pësoi në një ndeshje boksi në Kanada.

18-vjeçarja nga Meksika u nxor nga ringu me barelë dhe u dërgua në spital urgjentisht, pasi i humbi ndjenjat në fillim të rundit të pestë, raporton Gazeta Express.

Një goditje e fuqishme me të djathtën nga Marie Pier Houle e hodhi Zapatan në dysheme.

Ajo i kaloi disa minuta e shtrirë pa ndjenja në dysheme, para se të merrte tretman mjekësor.

#Boxeo This is Jeanette Zacarias Zapata, an 18 year old professional boxer from Mexico. She needs our prayers as she is fighting for her life in Canada after her fight against Marie-Pier Houle.

Take a moment today to pray for this young girl who is in critical conditions. pic.twitter.com/nzM09VSNfM

— El Rey (@Mandyreydelbox) August 29, 2021

“Aksidentet si ai i Zacarias janë shumë të rralla dhe ne duhet të sigurohemi që ta gjejmë një mënyrë t’i parandalojmë ndodhitë e tilla”, tha promotori i meçit Yvon Michel për CBC.

Kundërshtarja e saj Houle u prek nga kjo ngjarje dhe për këtë shkroi në Facebook.

“Boksi bart shume rreziqe. Kjo është puna jonë dhe pasioni jonë por ne kurrë nuk e kemi për qëllim t’i lëndojmë kundërshtarët tonë në këtë mënyrë”, shkroi ajo.

Ajo tha se shpreson me gjithë zemër se Zapata do të shërohet./Gazeta Express/