Nuk zhgënjen Distria Krasniqi, kalon në çerekfinale

Sporte tjera

Gazeta Express

28/01/2022 13:06

Distria Krasniqi ka arritur të kualifikohet në çerekfinalen e Grand Prix të Portugalisë.

Kampionia Olimpike e mposhti xhudisten franceze Leonie Gonzalez në raundin e dytë, shkruan Gazeta Express.

Distria e nisi mbarë duelin duke fituar një Waza-ari, ndërkohë francezja mori tri penalizime, me ç’rast e humbi duelin.

Në raundin e parë, Krasniqi kaloi pa luftë.

Kujtojmë se dy xhudistet tjera kosovare, Erza Muminoviq dhe Flaka Loxha u eliminuan më herët.

Në çerekfinale, Distria Krasniqi do të përballet me fituesen e duelit mes serbes Nadezda Petrovic dhe spanjolles Ariane Toro Soler. /Gazeta Express/